KhaleelRM

എന്റെ പേനയില്‍ വിഷം പുരണ്ടിരിക്കുന്നു ഞാന്‍ എഴുതുന്നതെന്‍ മരണ പത്രം നിങ്ങള്‍ മുമ്പ് വായിച്ചു തീര്തതെന്‍ വിരഹ കഥ കണ്ണീര്‍ ഇല്‍ കുതിര്‍ന്നത്‌ കൊണ്ടാകാം മറവിയുടെ ചിതലുകള്‍ ഒരറ്റത്ത് നിന്നും അരിച്ചച്ചരിച്ചു ഇങ്ങേത്താരായി അതിനു മുന്നേ തീര്‍ത്തേക്കാം പൊയ്മുഖങ്ങള്‍ കൊണ്ടുള്ള ഈ നാടകം നിന്റെ ഓര്‍മ്മകള്‍ മായുന്നതിനു മുന്നേ മറവിയുടെ നീരാളിപിടുത്തത്തില്‍ അകപ്പെടും മുന്നേ നിന്റെ വിഷം പുരണ്ട ചുണ്ടുകളാല്‍ തരില്ലേ അന്ത്യ ചുംബനം ?

മുസല്‍മാന്‍ തന്നെ ആണ് അതില്‍ അഭിമാനവും ഉണ്ട് പക്ഷെ - നീ എന്നെ ആഗോളവല്‍കരിക്കരുത് ഗുജറാത്തില്‍ - അസ്സമില്‍ - അഫ്ഗാനില്‍ - പലസ്തീന്‍ ഇല്‍ നടന്നതൊന്നും എനിക്ക് അറിയേണ്ട അതിനു എതിരെ ജിഹാദ് നു നീ ഒരുങ്ങുമ്പോള്‍ എന്നെ കൂട്ടിനു വിളിക്കുകയും വേണ്ട ആദ്യം പുരയിലെ വിശപ്പ്‌  മാറ്റ് പിന്നെ സ്വന്തം നാട്ടിലും ഇവിടങ്ങളില്‍ ഒക്കെ പരാജയപെട്ട നിന്നെ ഞാന്‍ എങ്ങനെ വിശ്വസിക്കും ?

എന്തിനാണ് പെണ്ണേ നീ വീണ്ടും വിളിച്ചത് ? നഷ്ടബോധത്താല്‍ വെന്തുരുകുന്നോരെന്‍ നെഞ്ചില്‍ പെട്രോള്‍ കോരി ഒഴിക്കാണോ ? വെള്ളി നഖങ്ങളാല്‍ നീ കോറിയിട്ട മുറിവുകളില്‍ മുളക് പുരട്ടാനോ ? അതോ പരാചയ ഭാരത്താല്‍ കുനിഞ്ഞോരെന്‍ ശിരസ്സില്‍ കാര്‍ക്കിച്ചു തുപ്പാനോ ??

നന്ദി മൊബൈലിലേക്ക് ഒഴുകിയെത്തിയ സന്ദേശങ്ങള്‍ക്ക് ചാറ്റ് ബോക്സ്‌ ഇല്‍ മിന്നിത്തെളിഞ്ഞ - പച്ച വെളിച്ചങ്ങള്‍ക് ഇന്‍ബോക്സില്‍ കാവ്യം ഉണര്‍ത്തിയ മറുപടികള്‍ക്ക് ഒരു നല്ല പകലിനും ഒരു നല്ല നടതതിനും പിന്നെ മനസ്സില്‍ ഇന്നും പുതുമഴ പോലോരോര്‍മ്മയായ് നില്‍കുന്ന ചിരിക്കും നല്ല വാക്കുകള്‍ക്കും

വിളി കേട്ടാണ് ഉണര്‍ന്നത് തിരിഞ്ഞു നോക്കിയപ്പോള്‍ എനിക്കരികില്‍ സുധയുടെ തല !! ഇന്നലെ പരസ്പരം ബെര്ത്തുകള്‍ കൈമാറി ശുഭരാത്രി നേര്‍ന്നു ഉറങ്ങിയതാണ് താഴെ ഇറങ്ങി വാതില്‍ തുറന്നു നോക്കി എന്റെ നഗരം അകന്നു പോയി മഞ്ഞില്‍ മറഞ്ഞു

പോകുന്നതിനു  മുമ്പ് - എന്നെ ഒന്ന് വിളിക്കുക  , എന്നും ഓര്‍മ്മയില്‍ സൂക്ഷിക്കാന്‍ എനിക്കാ ശബ്ദം വേണം , ഇനിയൊരു കൂടിക്കാഴ്ച - എന്ന് ? അറിയില്ല !!   വേണം എനിക്കാ വാക്കുക്കള്‍   ഏകാന്തത മടുപ്പിക്കുന്ന ചൊറിച്ചില്‍ ഉണ്ടാക്കുന്ന ഉറക്കമില്ലാത്ത രാത്രികളില്‍ താരാട്ട് പാട്ടായി എന്നെ ഉറക്കുവാന്‍  ,   ദുഃഖം എന്‍ വാനില്‍ പെയ്തൊഴിയാത്തൊരു മേഘമായ് കാഴ്ച മറക്കുമ്പോള്‍ തളരാതെ നിര്‍ത്തുവാന്‍ ഉണര്‍ത്തു പാട്ടായ്   എന്നെ വിളിക്കുമോ ഒരിക്കല്‍ കൂടി ?