Blog

ഞെട്ടി പിടഞ്ഞു എഴുന്നേറ്റു , നെഞ്ചത്ത്‌ തപ്പി നോക്കി, ഭാഗ്യം ചത്തിട്ടില്ല ! സ്വപ്നമായിരുന്നു .. പടച്ചോനേ സ്വപ്നം ഇതാണെങ്കില്‍ ശരിക്കും എങ്ങനെ ആയിരിക്കും !! അങ്ങേര്‍ടെ കയ്യില്‍ തോക്ക് കാണുമോ ? ഹേ .. അത്രക് സംഭവം ഒന്നുമല്ല അവള്‍ടെ ബാപ്പ .. ഞാന്‍ സമാധാനിച്ചു.

അവള്‍ടെ വീട്ടില്‍ പോകുന്ന കാര്യം ആലോചിക്കുമ്പോ തന്നെ വയറ്റില്‍ ‘ ഗുളു ഗുളു ‘ ആണ് , ഓരോ തവണയും എന്തൊക്കെയോ കാരണം പറഞ്ഞു ഒഴിവാക്കി . അതിനിടയില്‍ ബാംഗ്ലൂര്‍ ഇല്‍ ചെന്ന് ഡിഗ്രി സര്‍ട്ടിഫിക്കറ്റ് ഉം ഓഫീസില്‍ ചെന്ന് appointment letter   ന്റെ പ്രിന്റെട് കോപ്പി ഉം വാങ്ങിച്ചു വെച്ചു .. ഇനിയെങ്ങാനും അവള്‍ടെ ബാപ്പ ” അനകെന്താ പണി ? അനകെന്റെ മോളെ എന്തുരപ്പിലാ നികാഹ് കയ്ച്ചു തരികാന്നും ‘ ചോദിച്ചാല്‍ എടുത്ത് കാണിക്കാമല്ലോ !! ഹും ഒരു എഞ്ചിനീയര്‍ ന്റെ അടുത്താ കളി !!

ഒരു സോലുഷന്‍ ഉം കിട്ടുന്നില്ല .. നേരെ ആല്‍വിനെ വിളിച്ചു കാര്യം പറഞ്ഞു ‘ അളിയാ .. കുടുങ്ങി അളിയാ കുടുങ്ങി .. അവള് ചെന്ന് വീട്ടില്‍ പറഞ്ഞു , ഇപ്പൊ അവര്‍ക്ക് എന്നെ കാണണം പോലും ‘

ആല്‍വിന്‍ തുടങ്ങിയാല്‍ നിര്‍ത്താത്ത ആ ചിരിയും ചിരിച്ചോണ്ട് ‘ നെനക്ക് അങ്ങനെ തന്നെ വേണം !! ഹും എന്തൊക്കെ ആയിരുന്നു , CCD ഉം KFC ഉം ബേപ്പൂരും ബീച്ചും .. ഹും .. പവനായി ശവം ആയോ ?

‘ ഡേയ് ശവത്തില്‍  കുത്താടെടാ മൈ മൈ ടിയരേ .. ഒരു സോലുഷന്‍ പറ .. ഞാന്‍ ഇന്ന് അവള്‍ടെ തന്ത എന്നെ വെടി വെച്ചു കൊല്ലണ സ്വപ്നം കണ്ടു !!’

‘ ഹ ഹ ഹ .. ബെസ്റ്റ് .. ഇത്രേം ആയ സ്ഥിതിക് ഇനി ഒരൊറ്റ സോലുഷന്‍ ഏയ്‌ ഉള്ളൂ .. നീ അവളെ അങ്ങട് മറന്നേക്കു ‘  അവന്‍ വീണ്ടും ചിരിക്കാന്‍ തുടങ്ങി !

എനിക്ക് വിഷമം  ആയി .. ഒരുത്തനോട്‌ സോലുഷന്‍ ചോദിക്കുംപോഴെക് ആ തെണ്ടി  ചിരിചോണ്ടിരിക്കുന്നു !!

‘ മച്ചീ .. ലവ് മച്ചീ .. ലവ് .. പ്രേമിക്കുന്നവരെ ഒന്നിപ്പിക്കണം എന്നല്ലേ  ബൈബിള്‍ ഇല്‍ പറഞ്ഞേക്കുന്നത് ! ഞാന്‍ ഏതായാലും അവളുടെ വീട്ടിലേക് പോകാന്‍ തീരുമാനിച്ചു , നീയും കൂടെ വരണം .. എനിക്ക് വല്ലതും പറ്റിയാല്‍ വീട്ടില്‍ എത്തിക്കാന്‍ ഒരാള് വേണ്ടേ ?? 

ഞാന്‍ കാള്‍ കട്ട്‌ ചെയ്തു ബെഡ് ഇല്‍ ഇരുന്നു ! തിരിഞ്ഞു നോക്കുമ്പോ വാതില്‍കല്‍ ചിരിച്ചും കൊണ്ട് നിക്കുന്നു -എന്റെ ഉപ്പ !!  എന്തോ അപകടം മണത്തത് കൊണ്ടാണോ എന്നറിയില്ല , എന്നെ വിളിച്ചിരുത്തി സംസാരിക്കാന്‍ തുടങ്ങി ..

‘ എന്താ പ്രശ്നം ? നീ വളരെ അപ്സെറ്റ്  ആണല്ലോ !’

‘ ഏയ്‌ അങ്ങനെ ഒന്നുമില്ല , ഉപ്പാക്ക് തോന്നുന്നതാ .. ‘ ഞാന്‍ ഒഴിയാന്‍ നോക്കി

‘ എന്ത് പറ്റീ .. കയ്യിലെ കാശ് ഒക്കെ തീര്‍ന്നോ ?

‘ ഏയ്‌ കാശൊക്കെ ഉണ്ട് – ആവശ്യത്തിനു ‘

‘ പിന്നെ നിനകെന്താ , കല്യാണം കഴിക്കണോ ?? ‘

ഉപ്പാടെ തികച്ചും  അപ്രതീക്ഷിതമായ ഈ ചോദ്യം കേട്ട് ഞാന്‍ ഒന്ന് ഞെട്ടി !! ( ഉപ്പ ഇതൊക്കെ എങ്ങനെ അറിഞ്ഞു ?? പെങ്ങള് പറഞ്ഞു കാണുമോ ? ഹേ ഇല്ല .. പിന്നെ ആര് എന്നെ ഒറ്റികൊടുത്തു ? ഉമ്മ !! ഇത് ഉമ്മ തന്നെ !! … ഗ്ര്ര്ര്‍ )

‘ വേണ്ട , കല്യാണം ഒന്നും ‘ഇപ്പൊ ‘ കഴികണ്ട , അതൊക്കെ ഒരു 4 വര്‍ഷം കഴിഞ്ഞു മതി , ‘ ലാപ്ടോപ് ഇല്‍ അവളുടെ ഫോട്ടോ കാണിച്ചു കൊണ്ട് ‘ ഉപ്പാ , ലവര്‍ ആണ്, ഉമ്മനോടും ഇത്താനോടും തുടങ്ങിയപോ പറഞ്ഞര്‍ന്നു, സംഗതി കാര്യം ആകുമ്പോ മാത്രം ഉപ്പാനോട് പറയാം എന്ന് വെച്ചു , അതോണ്ടാ , ഇവള് കോഴിക്കോട്  ഗവണ്മെന്റ് കോളേജ്  ഇല്‍ എഞ്ചിനീയറിംഗ് നു പഠിക്കുവാ, ഫസ്റ്റ് ഇയര്‍ ഏയ്‌ ആയുള്ളൂ .. അവള് പഠിച്ചിറങ്ങി , ഒരു കൊല്ലം എവിടെയെങ്കിലും ജോലിയൊക്കെ ചെയ്യട്ടെ , എന്നിട്ടാവാം കല്യാണം ‘ ( എവിടുന്നു എനിക്ക് ഇത്രയും ധൈര്യം വന്നു എന്ന് എനിക്ക് അറിഞ്ഞൂടാ .. ഉപ്പനോട് ഇങ്ങനെയൊക്കെ ഇത് ആദ്യമാ )

എന്റെ ഉറച്ച ശബ്ദം കേട്ടത് കൊണ്ടാണെന്ന് തോന്നുന്നു , ഉപ്പ കുറെ നേരം മിണ്ടാതിരുന്നു .. എന്നിട്ട് എന്നോട്

‘ എല്ലാം ആലോചിച്ചു നോക്കിയിട്ടുണ്ടോ നീ ? കോഴിക്കോട്ടെ മുസ്ലിം സംസ്കാരം അല്ല ഇവിടെ നിന്റെ നാട്ടില്  , ആ പെണ്ണിന് ഇവിടെയും നിനക്ക് അവിടെയും പൊരുത്തപ്പെടാന്‍ കഴിയുമോ ? അവളുടെ കുടുംബം എങ്ങനെ ഉള്ളതാണെന്ന് നീ അന്വേഷിച്ചോ ? ഒരു കല്യാണം ഒക്കെ ആകുമ്പോ അതും കൂടി നോക്കണം .. പിന്നെ എന്റെ മരുമകളെ കാണണം എങ്കില്‍ 3 മണിക്കൂര്‍ യാത്ര ചെയ്യുക എന്നത് .. എന്തോ ..എനിക്ക്  ‘ ഉപ്പ ചോദ്യശരമെന്ന വണ്ണം ഒരു നോട്ടം എറിഞ്ഞു .

‘ ഒന്നും ആലോചിക്കാതെ ആണ് പ്രണയിച്ചത് , പ്രണയം എന്നത് ബുദ്ധി കൊണ്ട് ചെയ്യുന്നതല്ലല്ലോ , മനസ്സിന്റെ കളി അല്ലേ ..  എനിക്കവളെ ഇഷ്ടമാണ് , അവള്‍ക് എന്നെയും .. തുടക്കം അങ്ങനെ ആയിരുന്നു .. പോക പോകെ എനിക്ക് മനസ്സിലായി , ഞാന്‍ ഈ കുടുംബത്തിനു ഒത്ത ഒരാളെ ആണ് കണ്ടു പിടിചെക്കനതെന്ന് . എനിക്ക് കണക്കു കൂട്ടി ജീവിക്കാന്‍ അറിയില്ല ഉപ്പാ .. പക്ഷെ ഒന്നറിയാം .. ഈ ജീവിതം മുഴുവന്‍ ഞാന്‍ സന്തോഷവാന്‍ ആയിരിക്കും , എന്ന് വെച്ചു നിങ്ങളെ ഒക്കെ എതിര്‍ത്ത് ഒന്നിനും ഞാന്‍ ഇറങ്ങി തിരിക്കത്തും ഇല്ല ‘

പിന്നെ ഒന്ന് നിര്‍ത്തി , എന്നെ തന്നെ നോക്കി നില്‍കുന്ന ഉപ്പനെയും പെങ്ങളെയും നോക്കി ( ഉപ്പാ സംസാരിക്കാന്‍ തുടങ്ങിയപ്പോഴേ അവള് വന്നു സൈഡ് ഇല്‍ ഇരിക്കുന്നുണ്ട് ) ‘ എനിക്ക് വലിയ സ്വപ്‌നങ്ങള്‍ ഒന്നും ഇല്ല ഉപ്പാ .. നിങ്ങളും ഉമ്മയും ഇത്താതയും മാത്രം ആയിരുന്നു എന്റെ ലോകം .. ഇപ്പൊ ഇതാ അവളും ‘

ഉപ്പാ ചിരിച്ചോണ്ട് എന്നെ ആലിംഗനം ചെയ്തു , എനിക്ക് പോട്ടികരയണം എന്ന് തോന്നി , സ്വന്തം മകന് കാര്യ പ്രാപ്തി വന്ന സന്തോഷമോ , അതോ ഇവന് ഇതുവരെ കുട്ടികളി മാറിയില്ലേ എന്നാ അത്ഭുതമോ , ആ കണ്ണുകളില്‍ എന്തായിരുന്നു എന്ന് എനിക്ക് മനസ്സിലായില്ല

പിന്നെ അവളെയും അവള്‍ടെ വീട്ടുകാരെയും പറ്റി  എല്ലാ വിവരങ്ങളും ചോദിച്ചറിഞ്ഞു ഫാമിലി ഫോട്ടോ ഉം ഒക്കെ നോക്കി എനിക്ക് ഒരു ‘ ഓള്‍ ദി ബെസ്റ്റ് ‘ ഉം തന്നോണ്ട്‌  ചോദിച്ചു ‘ നീ തനിച്ചു പോകണ്ട ,, ഞാനും വരാം ‘

‘വേണ്ട ഉപ്പാ .. ഇപ്പോള്‍ ഞാന്‍ തനിച്ചു മതി .. എനിക്ക് വേണ്ടി പ്രാര്‍ത്ഥിച്ചാല്‍ മതി എല്ലാരും ‘

എന്റെ വീട്ടുകാര്‍ ഇത്രക് സപ്പോര്ടീവ്   ആയി നിക്കുമ്പോ എനികെന്ത് പേടി .. അവള്‍ക് sms അയച്ചു ”  ഞാന്‍ വരും ‘

പിന്നെ ആല്‍വിനെ വിളിച്ചു പറഞ്ഞു ‘ അളിയാ , അപ്പോള്‍ നമ്മള്‍ പോകുന്നു , 8 മണിക്ക് , കണ്ണൂര്‍ .. ഓക്കേ ‘

 ‘ ഡബിള്‍ ഓക്കേ ‘

( തുടരും )

part 1 | part 2 | part 3 | part 4