പൊരിയുന്ന വെയിലാണ് തിരക്കുള്ള നഗരവും കൂടെ ട്രാഫിക്‌ നെ പെടിയുള്ളൊരു പെണ്ണും !! വണ്ടി വരുന്നു കുട്ടി നിക്കുന്നു വണ്ടി പോകുന്നു കുട്ടി നടക്കുന്നു വീണ്ടും വണ്ടി - കുട്ടി റോഡിന്‍റെ നടുവില്‍ പകക്കുന്നു തിരിഞ്ഞോടുന്നു കിതക്കുന്നു ചിരിക്കുന്നു !! കറുത്ത് ചുരുണ്ട മുടിയിഴകള്‍ കാറ്റില്‍ പറക്കുന്നു കുഞ്ഞു കണ്ണിനു തിളക്കമേറുന്നു ഞാന്‍ കുട്ടിയെ ഒന്ന് പാളി നോക്കി നല്ല കണ്ണ് നല്ല ചിരിയും പെട്ടെന്ന് ഓര്‍മ്മ വന്നു നോയമ്പാണ് ! :D
ഞാന്‍ മരിച്ചു പത്രങ്ങളില്‍ വാര്‍ത്ത ആകാതെ കോളിളക്കങ്ങള്‍ ഉണ്ടാക്കാതെ ആരെയും ഉപദ്രവിക്കാതെ ഞാന്‍ അങ്ങട് മരിച്ചു ഫാന്‍ ഇല്‍ കുരുക്കിട്ടു തൂങ്ങിയില്ല പാഷാണം കുടിച്ചു നുര വരുത്തിയില്ല ട്രെയിന്‍ നു മുന്നില്‍ വീണു ചിതറിയില്ല ഉയരവും , ആഴവും ഒന്നും അറിയാന്‍ മെനകെട്ടില്ല ഞാനൊന്നു ഉറങ്ങി ഉറക്കത്തില്‍ തന്നെ മരിച്ചു ഒരുത്തനും , ഒരുത്തിയും വന്നേക്കരുത് എന്നെ കാണാന്‍ വെള്ള പുതപിച്ചു എന്നെ കിടത്തുമ്പോ വിതുമ്പി കരയരുത് എന്റെ ശവമഞ്ചം എടുക്കുമ്പോള്‍ വാവിട്ട് അലറരുത് കൂട്ടം കൂടിയിരുന്നു ഞാന്‍ പോയപ്പോള്‍ ഉണ്ടായ നഷ്ടത്തെ പറ്റി വാചാലര്‍ ആവരുത് ആരെങ്കിലും ചോദിച്ചാല്‍ പറയുക " ചിരിച്ചു കൊണ്ടാണ് മരിച്ചതെന്ന് "