Blog

ജിത്തേട്ടന്‍

” ജിത്തേട്ടനെ പരിച്ചയപെട്ടില്ലായിരുന്നെങ്കില്‍ തന്റെ ജീവിതം എങ്ങനെ ആവുമായിരുന്നു?” , ആദര്‍ശ് പലപ്പോഴും തന്നോട് തന്നെ ചോദിക്കുന്ന ചോദ്യങ്ങളില്‍ ഒന്നാണത് .. ‘ ഒന്നും ആവില്ലായിരുന്നു , ഇക്കാണുന്ന പ്രശസ്തിയും സൌഭാഗ്യങ്ങളും ഒന്നും തന്നെ ഉണ്ടാവില്ലായിരുന്നു ‘ എന്നും ഇതേ ഉത്തരത്തില്‍ ആണ് അവന്‍ എത്തിച്ചേരുക. മറ്റൊരു തലത്തിലും അവനു ചിന്തിക്കാന്‍ ആവില്ല.

പഠിച്ചത് ഫൈന്‍ ആര്‍ട്സ് ആണെങ്കിലും, ജീവിക്കാന്‍ വേണ്ടി കണ്‍സ്ട്രക്ഷന്‍ കമ്പനിയില്‍ സൂപ്പര്‍വൈസര്‍ ആയി ജോലി നോക്കി കൊണ്ടിരിക്കുന്ന സമയത്താണ് , ജിത്തേട്ടന്റെ ആദ്യ ആര്‍ട്ട്‌ എക്സിബിഷന്‍ തൃശൂരില്‍ നടക്കുന്നത് .. വായി നോക്കി നടക്കുന്നതിനിടെ വന്നു പെട്ടതായിരുന്നു അവിടെ .. അന്നാണ് ആദ്യമായി ജിത്തേട്ടനെ കാണുന്നത് . വര്‍ണ്ണങ്ങളുടെ വിസ്മയം .. ചുമര്‍ ചിത്രകല കാന്‍വാസില്‍ പുനര്‍ജനിക്കുകയായിരുന്നു, ‘ solitude ‘ ഒന്ന് മാത്രം മതി ആ കയ്യിന്റെ മാന്ത്രികത അറിയാന്‍ .

ഫൈന്‍ ആര്‍ട്സ് പടിച്ചതാനെന്നും ‘ mural art ‘ ഇല്‍ താല്പര്യം ഉണ്ടെന്നും അറിയിച്ചപ്പോള്‍ കൂടെ കൂടാന്‍ പറഞ്ഞു , വായന , സിനിമ , വര , ചര്‍ച്ച ഇതാണ് ജിത്തെട്ടന്റെ ഒരു ലൈന്‍ .ചര്‍ച്ചകള്‍ പലപ്പോഴും ഹുസൈനില്‍ തുടങ്ങി പികാസ്സോ ഇല്‍ പോയി നിന്നു.

പിന്നെ ചുമര്ചിത്രങ്ങളുടെ പിറകില്‍ അനന്തമായ യാത്ര .. പൌരാണികര്‍ വരച്ചു പോയതെല്ലാം പുനരുധ്ധീകരിക്കാന്‍ ഇറങ്ങി തിരിച്ചപ്പോള്‍ , അവര്‍ ഉപയോഗിച്ച ചായകൂട്ടുകള്‍ തന്നെ നോക്കി നടന്നപ്പോള്‍ കലയോടുള്ള താലപര്യം കൂടി കൂടി വരികയായിരുന്നു .ക്ഷയിച്ചു കൊണ്ടിരുന്ന അമ്പലങ്ങളിലെ ചിത്രങ്ങള്‍ കണ്ടെത്തി പുതുതായി വരച്ചു ചേര്‍ത്തും ഇളകിപ്പോയ ചായങ്ങള്‍ കൊടുത്തും ചുമര്‍ ചിത്രങ്ങള്‍ക്ക് ജീവന്‍ കൊടുത്തു കൊണ്ടിരുന്നു.

ഒബെരോണ്‍ ഇല്‍ പോയിരുന്ന് , കേരള ടൂറിസത്തിന് വേണ്ടി വരച്ചതാണ് കരിയര്‍ ലെ വല്യ ബ്രേക്ക്‌ ആയതു .. അന്ന് 14 ദിവസം ‘യാത്രി നിവാസ്’ ഇല്‍ താമസവും ഊട്ടുപുരയില്‍ നിന്ന് ഭക്ഷണവും ഒക്കെ ആയി , ഒബെരോണ്‍ ഇല്‍ ഇരുന്നു വരച്ചു , ഓപ്പണ്‍ ആയിട്ട് .. ജിത്തേട്ടന്റെ പ്രൊജക്റ്റ്‌ ആയിരുന്നു .. ഞങ്ങള്‍ എല്ലാരും കൂടി ഇരുന്നു വരച്ചു , ചുമര്‍ ചിത്രകലകളെ പറ്റി ജനങ്ങള്‍ക് ഒരു ധാരണ ഉണ്ടാക്കി കൊടുക്കാന്‍ അതിലൂടെ സാധിച്ചു , സോഷ്യല്‍ മീഡിയകളിലും വാര്‍ത്ത‍ മാധ്യമങ്ങളിലും ഉണ്ടായ പ്രചാരണം വന്‍ വിജയമായി , തങ്ങളുടെ വര കാണാന്‍ ആളുകള്‍ കൂടി .. പലര്‍ക്കും വീട്ടില്‍ ഇതുപോലൊന്ന് വേണമെന്നായി .. പിന്നീടു ഇങ്ങോട്ട് തിരിഞ്ഞു നോക്കേണ്ടി വന്നിട്ടില്ല

കയ്യില്‍ നിറയെ പ്രൊജക്റ്റ്‌കള്‍ .. നിന്ന് തിരിയാന്‍ കഴിയാത്ത തിരക്ക് ! എല്ലാം ജിത്തെട്ടനെ കൊണ്ട് ഉണ്ടായതാണ്

എങ്ങോ സിമെന്റിന്റെയും കമ്പിയുടെയും എണ്ണവും നോക്കി തീരുമായിരുന്ന തന്റെ ജീവിതത്തില്‍ കലയുടെ വെളിച്ചം പകര്‍ന്നത് ജിത്തെട്ടന്‍ ആണ് .. താന്‍ ഇന്ന് വരക്കുന്നെണ്ട്കില്‍ അതിനു കാരണം ജിത്തെട്ടന്‍ ആണ് .. ജിത്തേട്ടന്‍ ഇല്ലായിരുന്നെങ്കില്‍ ..